Եվրոպական հանձնաժողովի նախագահը հուլիսի 2-ին կժամանի Հայաստան

Հուլիսի 2-ին Հայաստան կկատարի աշխատանքային այց Եվրոպական հանձնաժողովի նախագահ Ուրսուլա ֆոն դեր Լյայենը։

Նախատեսվում է, որ այցի ընթացքում նա կհանդիպի Հայաստանի Հանրապետության վարչապետ Նիկոլ Փաշինյանի հետ։ Հանդիպման արդյունքներով երկու պետական գործիչները կներկայացնեն համատեղ հայտարարություն, որից հետո կկայանա լրագրողների հետ հարցազրույց։