Հրթիռի բեկորներ ընկել են Երուսաղեմի սրբազան վայրերի մոտ

Հրթիռի խոշոր բեկորներ են ընկել Երուսաղեմի ամենասրբազան վայրերից մեկի մոտ՝ Հին քաղաքում, Տիրոջ գերեզմանի տաճարի հարևանությամբ գտնվող նեղ նրբանցքում։

Ինչպես հաղորդում են աղբյուրները, ոստիկանությունը շրջափակել է նաև Ալ-Աքսա մզկիթի տարածքի մի փոքր մասը՝ այն բանից հետո, երբ տարածքում հայտնվել են ոչ մեծ բեկորներ։ Բեկորներ են ընկել նաև քաղաքի արևմուտքում՝ Քնեսետի մոտ, որը գտնվում է վարչապետ Բենիամին Նեթանյահուի գրասենյակից ոչ հեռու։

Հրթիռի հետևի մասը ճեղքել է պաղեստինցիներով բնակեցված Արևելյան Երուսաղեմում՝ Սիլվանում գտնվող տան տանիքը։

Այս իրադարձությունները տեղի են ունենում Իրանի և ԱՄՆ-ի միջև լարվածության աստիճանի բարձրացման ֆոնին։ Ինչպես հիշեցնում են, փետրվարի 28-ի առավոտյան ԱՄՆ-ն և Իսրայելը հարձակվել են Իրանի վրա։ Ի պատասխան՝ Իրանը հարվածներ է հասցնում Մերձավոր Արևելքում տեղակայված ԱՄՆ ռազմակայաններին։ Ամերիկա-իսրայելական ագրեսիայի հետևանքով սպանվել են Իրանի գերագույն առաջնորդ Ալի Խամենեին և իրանցի մի քանի բարձրաստիճան զինվորականներ։ Մարտի 8-ին Իրանի փորձագետների խորհուրդն Իրանի Իսլամական Հանրապետության նոր գերագույն առաջնորդ է ընտրել զոհված այաթոլլա Ալի Սեյեդ Խամենեիի որդուն՝ այաթոլլա Սեյեդ Մոջթաբա Խամենեիին։