ՀՀ օգտին կբռնագանձվի 26,789,000 դրամ Սերոբ Աբրահամյան, April 21, 2026 ՀՀ գլխավոր դատախազության հաղորդագրության համաձայն՝ 2026 թվականի ապրիլի 7-ին կոռուպցիայի դեմ պայքարի դատարանը բավարարել է ՀՀ գլխավոր դատախազության պետական շահերի պաշտպանության վարչության պաշտոնական միջնորդությունը։ Վարչությունը դատարան է դիմել՝ անվավեր ճանաչելու Երևանի քաղաքապետի և անհատի միջև 2005 թվականի օգոստոսի 9-ին կնքված առքուվաճառքի պայմանագիրը։ Դատարանը որոշում է կայացրել, որով անվավեր է ճանաչվել Երևանի Բագրատունյաց և Մասիս փողոցներին հարակից 4,935 քառակուսի մետր մակերեսով հողամասի առքուվաճառքի պայմանագիրը։ Հաշվի առնելով այն հանգամանքը, որ հողը վերադարձնելու գործընթացը հնարավոր չէ, դատարանը որոշել է, որ անհատից ՀՀ օգտին կբռնագանձվի ընդհանուր առմամբ 26,789,000 դրամ։ Սոցիում