Հայաստանում սոցիալական ենթակառուցվածքների «օպտիմալացում»․ 525 հաստատություն կփակվի կամ արդեն կորսված է Մարգար Տեր-Գրիգորյան, May 29, 2026 Հայաստանում սոցիալական ենթակառուցվածքների վերաբերյալ ծրագրված փոփոխությունները, որոնք կատարվելու են 2026 թվականից հետո, վկայում են իշխանությունների մտադրության մասին՝ կրթական և բժշկական համակարգը «օպտիմալացնելու» համար։ Ինչպես ցույց է տալիս իմ կողմից կազմված քարտեզը, կառավարության որոշմամբ 2026 թվականին Հայաստանում կփակվեն 231 դպրոց։ Այս դպրոցները կմիավորվեն խոշորացված կրթական հաստատությունների մեջ, ինչի արդյունքում բազմաթիվ գյուղեր կկորցնեն իրենց միակ կրթական հաստատությունը։ Բացի դպրոցներից, կառավարության պլաններով փակվում են նաև մարզային 41 հիվանդանոց։ Դրանց փոխարեն կառավարությունը նախատեսում է բացել ընդամենը 10 խոշոր բժշկական կենտրոն։ Այս ցուցակին ավելանում են նաև այն 525 կրթական և բժշկական հաստատությունները, որոնք հայկական կողմն արդեն կորցրել է ադրբեջանական ագրեսիայի և Արցախի օկուպացիայի հետևանքով։ Այդ թվում են 219 դպրոց, 21 հիվանդանոց և 13 ամբուլատորիա, որոնք այլևս չեն ծառայում հայ երեխաներին և բնակչությանը։ Այս տվյալները հիմնավորված են կառավարության 2025 թվականի դեկտեմբերի 4-ի որոշմամբ, որը հրապարակված է պետական կառավարման ինֆորմացիոն համակարգում (arlis.am)։ Այս հրապարակումը հիշեցնում է նաև 2026 թվականի փետրվարին տարածված լուրերի մասին, թե ՀՀ կրթության, գիտության, մշակույթի և սպորտի նախարարությունը (ԿԳՄՍՆ) մտադիր է փակել 231 դպրոց։ Այդ ժամանակ ԿԳՄՍՆ-ն պաշտոնապես հերքել էր այդ տեղեկատվությունը՝ այն որակելով որպես ապատեղեկատվություն։ Քաղաքական