Նյու Յորքում ստորագրվել է Հայաստանի և Սամոայի միջև դիվանագիտական հարաբերությունների հաստատման համատեղ կոմյունիկե

Նյու Յորքում Հայաստանի Հանրապետության և Սամոայի Անկախ Պետության միջև դիվանագիտական հարաբերությունների հաստատման մասին համատեղ կոմյունիկե ստորագրվեց։

Համատեղ կոմյունիկեն ստորագրվեց ՄԱԿ-ում Հայաստանի Հանրապետության Մշտական ներկայացուցիչ Պարույր Հովհաննիսյանի և Սամոայի Անկախ Պետության մշտական ներկայացուցիչ Ֆատումանավա Պաոլելեի Լուտերունի կողմից։

Այս քայլի արդյունքում Սամոան դարձավ 187-րդ երկիրը, որի հետ Հայաստանի Հանրապետությունը հաստատել է դիվանագիտական հարաբերություններ։