Հայաստանը և Գերմանիան քննարկում են կրթական և գիտական համագործակցության խորացման հնարավորությունները

ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանը երկուշաբթի, փետրվարի 23-ին, ընդունել է Գերմանիայի ակադեմիական փոխանակման ծրագրի (DAAD) տարածաշրջանային գրասենյակի ղեկավար Սիլվիա Շմիդթին։ Հանդիպմանը, որը տեղի է ունեցել նաև Հայաստանում Գերմանիայի Դաշնային Հանրապետության փոխդեսպան Լարս Հեննիգի ներկայությամբ, մենք, Հայաստանի կողմից, խորհրդակցեցինք Գերմանիայի հետ կրթական և գիտական համագործակցության ինստիտուցիոնալ ամրապնդման և երկկողմ հարաբերությունների խորացման հնարավորությունների շուրջ։

Մեր կողմից մեծ կարևորություն է տրվում Գերմանիայի հետ գործընկերությանը՝ որպես ԵՄ առաջատար երկրներից մեկի, հատկապես գիտական, հետազոտական և տեղեկատվական տեխնոլոգիաների ոլորտներում։ Մենք պատրաստակամ ենք համատեղ նախագծեր քննարկելու և իրականացնելու՝ ստեղծելով կայուն հարթակ երկարաժամկետ համագործակցության համար։

Հանդիպման ընթացքում ես ներկայացրեցի ՀՀ բարձրագույն կրթության ոլորտի առաջնահերթությունները՝ ընդգծելով բարձրագույն կրթության և գիտության միջազգայնացման կարևորությունը։ Մենք համաձայնեցինք, որ համատեղ միջոցառումների անցկացումը կարևոր է բուհերի վարկանիշային համակարգում ավելի բարձր արդյունքներ գրանցելու նպատակով։

Սիլվիա Շմիդթը շնորհակալություն է հայտնել ընդունելության համար և նշել, որ կարևորում է համատեղ ջանքերով Հայաստանում գերմանագիտության զարգացումը՝ սկսած դպրոցներում գերմաներենի խորացված ուսուցումից մինչև մագիստրոսական և հետազոտական ծրագրերի իրականացում։

Մանրամասն քննարկվեցին Գերմանիայի կողմից ֆինանսավորվող ծրագրերը, այդ թվում՝ Ագրարային համալսարանում իրականացվող նախագիծը, ինչպես նաև Արևելյան գործընկերության շրջանակում մի շարք բուհերի հետ համագործակցությամբ գերմանագիտության զարգացմանն ուղղված նախաձեռնությունները։

Առանձնակի ուշադրություն է դարձվել ԵՄ «Էրազմուս+» ծրագրի շրջանակում փոխգործակցության խորացման հնարավորություններին՝ տարբեր ուղղությունների մասնագետների ներգրավմամբ։ Քննարկվեցին կրթաթոշակային տեղերի տրամադրման, դասավանդողների մասնագիտական վերապատրաստման և դասընթացների անցկացման ձևաչափերը։

Ես նաև ներկայացրեցի «Ակադեմիական քաղաք» ծրագրի մանրամասները՝ ընդգծելով գերմանական կողմի հետ համագործակցային շրջանակի կարևորությունը։