Հայաստանի մարմնամարզության հավաքականը բաց կթողնի Աշխարհի գավաթի երրորդ փուլը

Հայաստանի սպորտային մարմնամարզության տղամարդկանց ազգային հավաքականը չի մասնակցի Աշխարհի գավաթի երրորդ փուլին, որը մեկնարկում է այսօր՝ Թուրքիայի Անթալիա քաղաքում։ Այս մասին հաղորդում է Հայաստանի մարմնամարզության ֆեդերացիան։

Ինչպես նշվում է ֆեդերացիայի հաղորդագրության մեջ, թիմը չի կարողանում վերադառնալ Քաթարում անցկացվող ուսումնամարզական հավաքից՝ ստեղծված իրավիճակի պատճառով։ Արդյունքում, հավաքականը ստիպված է բաց թողնել մրցաշարի այս փուլը։

Հիշեցնենք, որ Հայաստանի հավաքականը նախկինում էլ բաց էր թողել Աշխարհի գավաթի երկրորդ փուլը, քանի որ այն անցկացվում էր Ադրբեջանի մայրաքաղաք Բաքվում։