Հայաստանի հետախուզությունը հայտնում է ընտրական գործընթացներին միջամտության մասին Ռաֆիկ Կիրակոսյան, March 10, 2026 Հայաստանի Արտաքին հետախուզության ծառայությունը (ԱՀԾ) հրապարակել է հայտարարություն, որում նշվում է այլ երկրներում Հայաստանի քաղաքացիների նկատմամբ ճնշում գործադրելու և ընտրական գործընթացներին միջամտելու փորձերի մասին։ Հետախուզական տեղեկությունների համաձայն՝ այլ երկրում տվյալ երկրի հատուկ ծառայությունների անունից հանդես գալով, տարբեր անձինք փորձում են ճնշում գործադրել հայազգի և Հայաստանի քաղաքացի հանդիսացող, տվյալ երկրում տնտեսական գործունեությամբ զբաղվող անձանց նկատմամբ։ Նրանց նպատակն է մղել վերջիններիս աջակցելու գործողություններ, որոնք ուղղված են Հայաստանում սպասվող խորհրդարանական ընտրություններին մասնակցության հայտ ներկայացրած որոշ քաղաքական ուժերի նկատմամբ։ Այս գործողությունները, ըստ ԱՀԾ-ի, ներառում են, սակայն չեն սահմանափակվում տվյալ քաղաքական ուժերին նշված գործարարների կողմից ֆինանսական և կազմակերպական բնույթի աջակցության գործողություններով։ Հայտարարության մեջ չի նշվում, թե որ երկրների մասին է խոսքը, ինչպես նաև՝ որ քաղաքական ուժերի նկատմամբ է ուղղված այս ճնշումը։ Այս հայտարարությունը հաջորդում է մի շարք այլ իրադարձություններ, որոնք վերաբերում են ընտրական գործընթացներին։ Օրինակ, ավելի վաղ հաղորդվել էր, որ Հայաստանի արտաքին գործերի նախարար Արարատ Միրզոյանը նամակ է ուղարկել Եվրոպական միությանը՝ խնդրելով արագ արձագանքման խումբ ուղարկել Երևան՝ կրեմլյան ապատեղեկատվությանը և ընտրություններին ռուսական միջամտությանը հակազդելու համար։ ԵՄ-ն նման խումբ էր ուղարկել նաև Քիշնև՝ անցած տարվա խորհրդարանական ընտրությունների ժամանակ։ Բացի այդ, ԵՄ-ն նախատեսում է Հայաստանին 15 մլն եվրո հատկացնել՝ ընտրություններին ընդառաջ «ռուսական քարոզչությանը հակազդելու համար»։ Միջազգային