Հայաստանը հետևում է Մերձավոր Արևելքում տեղի ունեցող իրադարձություններին

Հայաստանի արտաքին գործերի նախարարությունը հայտարարություն է տարածել՝ կապված Իրանի և Իսրայելի միջև տեղի ունեցած իրադարձությունների հետ։

Երևանը հետևում է Մերձավոր Արևելքում ստեղծված իրավիճակին։ Հայաստանի Հանրապետության արտաքին գործերի նախարարությունը հորդորում է Իրանում և Իսրայելում գտնվող իր քաղաքացիներին պահպանել անվտանգության կանոնները և հետևել պաշտոնական ցուցումներին։

Արտաքին գործերի նախարարությունը հստակեցնում է, որ շարունակելու է իրավիճակի մշտադիտարկումը և, ըստ անհրաժեշտության, հանդես կգա տեղեկատվության թարմացմամբ։

Հանրությանը տրամադրված է նաև հեռախոսահամարների ցանկ, որոնց միջոցով կարելի է կապ հաստատել դեսպանությունների հետ։

Իրանում ՀՀ դեսպանության թեժ գիծ․ +98 902 0059927։
ԱԳՆ թեժ գիծ (Իրանում դեսպանության հեռախոսահամարի անհասանելիության դեպքում)․ +37455620111 (նաև WhatsApp)։
Իսրայելում ՀՀ դեսպանության թեժ գիծ․ +972 58 607-0313 (նաև WhatsApp), +972585811144։

Ավելի վաղ հայտնի էր դարձել, որ Իսրայելը հարձակվել է Իրանի վրա։ Հարվածներ են հասցվել Թեհրանում գտնվող կառավարական շենքերին։ Չհաստատված տեղեկությունների համաձայն, Իսրայելի հարվածների հետևանքով զոհվել է Իրանի բանակի գլխավոր հրամանատար Ամիր Խաթամին։