Կառավարությունը պարտադիր է դարձնում գազաբալոնների վկայագրման գործընթացի տեսագրումը

ՀՀ կառավարությունը փոփոխություններ է կատարել ավտոտրանսպորտային միջոցների վրա տեղադրված գազաբալոնների պարբերական վկայագրման կարգին։ Ըստ նոր կարգավորման՝ գազաբալոնների վկայագրման գործընթացը պետք է ամբողջությամբ արձանագրվի տեսագրության միջոցով։

Նոր պահանջը նախատեսում է, որ տեսագրության մեջ պետք է արտացոլվեն գազաբալոնային տրանսպորտային միջոցի առկայության և գազաբալոնի վկայագրման գործընթացի բոլոր անհրաժեշտ գործողությունները։ Տեսագրությունները պարտադիր պահպանման են ենթակա լիցենզավորված կազմակերպությունների արտադրական բազաներում՝ սահմանված նվազագույն ժամկետով։

Այս քայլը կառավարության կողմից իրականացվում է ոլորտում առկա ռիսկերի նվազեցման և վերահսկողության բարելավման նպատակով։ Տեսագրությունների առկայությունը տեսչական մարմիններին և ոլորտի քաղաքականություն մշակող լիազոր մարմիններին կտրամադրի նոր գործիքակազմ՝ թերությունները բացահայտելու, անբարեխիղճ տնտեսվարողների նկատմամբ վարչարարություն իրականացնելու և գազաբալոնների վկայագրման գործընթացի կարգավորման ենթակա բաղադրիչները բացահայտելու համար։

Որոշումը պաշտոնական հրապարակումից հետո մեկ ամսվա ընթացքում կներկայացվի ուժի մեջ։ Այս փոփոխությունը համարվում է հանրային ծառայությունների որակի վերահսկողության համակարգի զարգացման կարևոր քայլ։